சில எளிதான வெரைட்டி ரைஸ் சமையல்

இல்லத்தரசிகளுக்கு தினமும் மிகப்பெரிய சவாலாக இருப்பது தினமும் என்ன குழம்பு செய்வது என்பது தான். முக்கியமாக அவர்களுக்காகவே இந்த சமையல் குறிப்புகள் கொடுக்கப்பட்டுள்ளது. அவைகள் என்னென்ன என்பதைப் பார்ப்போம்.

காய்கறி சாதம்

தேவையான பொருட்கள்:

அரிசி – 1/2 கிலோ

தக்காளி – மூன்று

பெரிய வெங்காயம் – இரண்டு

பச்சை மிளகாய் – ஆறு

இஞ்சி – ஐந்து துண்டு

பூண்டு – பத்து பல்

சின்ன வெங்காயம் – எட்டு

பட்டை – ஒன்று

கேரட் –  நூறு கிராம்

பீன்ஸ் – நூறு கிராம்

பட்டாணி – நூறு கிராம்

உருளைக்கிழங்கு – நூறு கிராம்

காலிஃப்ளவர் – நூறு கிராம்

பிரியாணி இலை – ஒன்று

ஏலக்காய் – இரண்டு

கிராம்பு – இரண்டு

அன்னாசிப் பூ – இரண்டு

ஜாதிக்காய் – ஒன்று

நெய் – இரண்டு டேபிள் ஸ்பூன்

எண்ணெய் – இரண்டு டேபிள் ஸ்பூன்

தயிர் – 1/2 கப்

கரம் மசாலா – ஒரு டீஸ்பூன்

சீரகத் தூள் – ஒரு டீஸ்பூன்

மிளகுத் தூள் – ஒரு டீஸ்பூன்

மிளகாய் பொடி – ஒரு டேபிள் ஸ்பூன்

தனியா பொடி – இரண்டு டேபிள் ஸ்பூன்

மஞ்சள் தூள் – ஒரு டீஸ்பூன்

உப்பு – தேவையான அளவு

புதினா இலைகள் – சிறிதளவு

கறிவேப்பிலை – சிறிதளவு

கொத்தமல்லி இலை – சிறிதளவு

ஃபுட் கலர் – ஒரு டீஸ்பூன்

செய்முறை:

• இரண்டு அல்லது மூன்று முறை நல்ல தண்ணீரில் நன்கு அரிசியைக் கழுவி தனியாக எடுத்து வைத்துக் கொள்ள வேண்டும்.
• இஞ்சி, பூண்டு, சின்ன வெங்காயம், பச்சை மிளகாய், பட்டை ஆகியவற்றை சேர்த்து சிறிதளவு தண்ணீர் சேர்த்து நன்கு மிக்ஸியில் அரைத்து, தனியாக எடுத்து வைத்துக் கொள்ள வேண்டும்.
• பெரிய வெங்காயம், காய்கறி ஆகியவற்றை நீளவாக்கில் நறுக்கிக் கொள்ள வேண்டும்.
• பின்பு அடுப்பில், பாத்திரத்தை வைத்து நெய் மற்றும் எண்ணெய் ஊற்றி சூடுபடுத்த வேண்டும். நெய் மற்றும் எண்ணெய் சூடானதும் பிரியாணி இலை, ஏலக்காய், கிராம்பு, அன்னாசிப் பூ, ஜாதிக்காய், சோம்பு, பச்சை மிளகாய் சேர்த்து லேசாக தாளிக்கவும்.
• பின்பு வெங்காயத்தை பொன்னிறமாக வதக்கவும். வெங்காயம் நன்கு வதங்கியதும் இஞ்சி, பூண்டு, சின்ன வெங்காயம், பச்சை மிளகாய், பட்டை, சேர்த்து அரைத்த விழுதை சேர்த்து பச்சை வாசனை போகும் வரை வதக்கவும்.
• பின்பு தக்காளி, மிளகாய்த்தூள், தனியாதூள், கரம் மசாலா, மிளகுத் தூள், மஞ்சள்தூள், கொத்தமல்லி, கறிவேப்பிலை, புதினா இலைகள், தேவைக்கேற்ப உப்பு, தயிர், சிறிதளவு தண்ணீர் சேர்த்து மூடி போட்டு 5 நிமிடம், மூடி வைக்க வேண்டும்.
• பின்பு அளவு தண்ணீர், காய்கறிகளை சேர்த்து, பாத்திரத்தை சிறிது நேரம் மூடி காய்கறிகளை வேக விட வேண்டும்.
• காய்கறி, மசாலாவும் நன்கு கலந்து, எண்ணெய் மேற்பகுதியில் பிரிந்து வர வேண்டும். பின்பு அரிசியை மசாலாவுடன் சேர்க்க வேண்டும்.
• தேவையான உப்பு, ஃபுட் கலர் சேர்த்து மூடி மிகவும் குறைவான தியில் வைக்க வேண்டும். 15 நிமிடம் கழித்து காய்கறி சாதம் தயாராகிவிடும்.

மேலும் படிக்க: சில எளிதான சிக்கன் உணவு வகைகள்

மிளகு சாதம்

தேவையான பொருட்கள்:

அரிசி – ஒரு கிலோ

வெங்காயம் – இரண்டு

மிளகுத்தூள் – இரண்டு டீஸ்பூன்

இஞ்சி விழுது – ஒரு டேபிள் ஸ்பூன்

பூண்டு விழுது – ஒரு டேபிள் ஸ்பூன்

கடுகு, உளுத்தம் பருப்பு – ஒரு டீஸ்பூன்

சீரகம் – ஒரு டீஸ்பூன்

எண்ணெய் – தேவையான அளவு

உப்பு – தேவையான அளவு

செய்முறை:

• அரிசி குழைந்து விடாமல் வேக வைத்துக் கொள்ளவும்.
• வாணலியில், எண்ணெய் ஊற்றி கடுகு, உளுத்தம் பருப்பு, சீரகம் போட்டு நன்கு பொரிய விட வேண்டும்.
• பின்பு நறுக்கிய வெங்காயம் சேர்த்து நன்கு வதக்கவும். அத்துடன் இஞ்சி, பூண்டு விழுது சேர்த்து பச்சை வாசனை போகும் வரை வதக்கவும்.
• தேவையான உப்பு, மிளகுப்பொடியைச் சேர்த்துக் கிளறவும்.
• கடைசியாக வேக வைத்த சாதத்தை போட்டு கிளறவும்.
• காரசாரமான மிளகு சாதம் தயார்.

மேலும் படிக்க: சில எளிதான மீன் சமையல்

பருப்பு சாதம்

தேவையான பொருட்கள்:

அரிசி – ஒரு கிலோ

துவரம் பருப்பு – இருநூறு கிராம்

இஞ்சி – ஐந்து துண்டு

பூண்டு – பத்து பல்

சின்ன வெங்காயம் – எட்டு

தக்காளி – மூன்று

பெரிய வெங்காயம் – இரண்டு

பச்சை மிளகாய் – ஏழு

சீரகம் – இரண்டு டீஸ்பூன்

பூண்டு – பத்து பல்

கேரட் – இருநூறு கிராம்

பீன்ஸ் – இருநூறு கிராம்

பட்டாணி – நூறு கிராம்

உருளைக்கிழங்கு – இருநூறு கிராம்

காலிஃப்ளவர் – இருநூறு கிராம்

கடுகு, உளுத்தம் பருப்பு – ஒரு டீஸ்பூன்

நெய் – இரண்டு டேபிள் ஸ்பூன்

எண்ணெய் – இரண்டு டேபிள் ஸ்பூன்

மஞ்சள் தூள் – ஒரு டீஸ்பூன்

உப்பு – தேவையான அளவு

புதினா இலைகள் – சிறிதளவு

கறிவேப்பிலை – சிறிதளவு

கொத்தமல்லி இலை – சிறிதளவு

செய்முறை:

• இரண்டு அல்லது மூன்று முறை நல்ல தண்ணீரில் நன்கு அரிசியைக் கழுவி தனியாக எடுத்து வைத்துக் கொள்ள வேண்டும்.
• குக்கரில் தண்ணீர் ஊற்றி துவரம் பருப்பு, இஞ்சி, பூண்டு, சீரகம், பச்சை மிளகாய், உப்பு எண்ணெய் ஆகியவற்றை சேர்த்து 2 விசில் விட்டு, கடைந்து தனியாக எடுத்து வைத்துக் கொள்ள வேண்டும்.
• பூண்டு, சீரகம் ஆகியவற்றை லேசாக தட்டி தனியாக எடுத்து வைத்துக் கொள்ள வேண்டும்.
• பெரிய வெங்காயம், காய்கறி ஆகியவற்றை நீளவாக்கில் நறுக்கிக் கொள்ள வேண்டும்.
• பின்பு அடுப்பில் பாத்திரத்தை வைத்து நெய் மற்றும் எண்ணெய் ஊற்றி சூடுபடுத்த வேண்டும். நெய் மற்றும் எண்ணெய் சூடானதும் கடுகு, உளுத்தம் பருப்பு, பச்சை மிளகாய் சேர்த்து லேசாக தாளிக்கவும்.
• பின்பு வெங்காயத்தை பொன்னிறமாக வதக்கவும். வெங்காயம் நன்கு வதங்கியதும் பூண்டு, சீரகம் சேர்த்து தட்டிய விழுதை சேர்த்து வதக்கவும்.
• பின்பு தக்காளி, மஞ்சள்தூள், கொத்தமல்லி, கறிவேப்பிலை, புதினா இலைகள், தேவைக்கேற்ப உப்பு, சிறிதளவு தண்ணீர் சேர்த்து மூடி போட்டு 5 நிமிடம், மூடி வைக்க வேண்டும்.
• பின்பு காய்கறிகளை சேர்த்து, பாத்திரத்தை சிறிது நேரம் மூடி காய்கறிகளை வேக விட வேண்டும். காய்கறி, மசாலாவும் நன்கு கலந்து, எண்ணெய் மேற்பகுதியில் பிரிந்து வர வேண்டும்.
• பின்பு கடைந்த பருப்பு, அரிசியை மசாலாவுடன் சேர்க்க வேண்டும்.
• தேவையான உப்பு, அளவு தண்ணீர் சேர்த்து மூடி, மிகவும் குறைவான தீயில் வைக்க வேண்டும். 15 நிமிடம் கழித்து பருப்பு சாதம் தயாராகிவிடும்.

மேலும் படிக்க: சில எளிதான மட்டன் உணவுகள்

குடைமிளகாய் சாதம்

தேவையான பொருட்கள்:

குடைமிளகாய் – இரண்டு

தக்காளி – மூன்று

வெங்காயம் – இரண்டு

காய்ந்த மிளகாய் – ஆறு

அரிசி – 1/2 கிலோ

இஞ்சி விழுது – ஒரு டேபிள் ஸ்பூன்

பூண்டு விழுது – ஒரு டேபிள் ஸ்பூன்

மிளகாய்த்தூள் – ஒரு டேபிள் ஸ்பூன்

தனியா தூள் – இரண்டு டேபிள் ஸ்பூன்

கடுகு, உளுத்தம் பருப்பு – ஒரு டீஸ்பூன்

சீரகம் – ஒரு டீஸ்பூன்

மிளகுத்தூள் – ஒரு டீஸ்பூன்

எண்ணெய் – தேவையான அளவு

உப்பு – தேவையான அளவு

முந்திரி – பத்து

செய்முறை:

• தக்காளி, முந்திரி, சீரகம், காய்ந்த மிளகாயை ஒன்றாகச் சேர்த்து விழுதாக அரைத்துக் கொள்ளவும்.
• குக்கரில் எண்ணெய் ஊற்றி கடுகு, உளுத்தம் பருப்பு போட்டு நன்கு பொரிய விட வேண்டும்.
• பின்பு நறுக்கிய வெங்காயம் சேர்த்து நன்கு வதக்கவும். அத்துடன் இஞ்சி, பூண்டு விழுது சேர்த்து பச்சை வாசனை போகும் வரை வதக்கவும்.
• பின்பு நறுக்கிய குடை மிளகாயைச் சேர்க்கவும். குடைமிளகாய் லேசாக வதங்கியதும், அத்துடன் மிளகாய்த்தூள், தனியா தூள், மிளகுத்தூள் சேர்த்து நன்கு வதக்க வேண்டும்.
• பின்பு அரைத்த தக்காளி, முந்திரி, சீரகம், காய்ந்த மிளகாய் விழுதை அதில் சேர்க்கவும். சற்று கெட்டித்தன்மை அடைந்தவுடன், அரிசி மற்றும் உப்பு சேர்த்து லேசாகக் கிளறவும்.
• இறுதியாக ஒரு லிட்டர் தண்ணீர் ஊற்றி குக்கரை மூடி, ஒரு விசில் விட்டு இறக்கினால், சுவையான குடை மிளகாய் சாதம் தயார்.

மேலும் படிக்க: சில எளிதான பலாக்காய் சமையல்

கூட்டாஞ் சோறு

தேவையான பொருட்கள்:

அரிசி – ஒரு கிலோ

தக்காளி – மூன்று

பெரிய வெங்காயம் – இரண்டு

புளி – பெரிய நெல்லிக்காய் அளவு

கடுகு, உளுத்தம்பருப்பு – ஒரு டீஸ்பூன்

சின்ன வெங்காயம் – பத்து

தேங்காய்த்துருவல் – ஒரு கப்

சோம்பு – ஒரு டீஸ்பூன்

சீரகம் – ஒரு டீஸ்பூன்

மிளகு – ஒரு டீஸ்பூன்

பூண்டு – பத்து பல்

வெந்தயம் – ஒரு டீஸ்பூன்

தனியா தூள் – இரண்டு டேபிள் ஸ்பூன்

மிளகாய் தூள் – ஒரு டேபிள் ஸ்பூன்

கரம் மசாலா – ஒரு டீஸ்பூன்

மஞ்சள் தூள் – ஒரு டீஸ்பூன்

கருவடம் – தேவைக்கேற்ப

கொத்தமல்லி இலை – சிறிதளவு

கறிவேப்பிலை – சிறிதளவு

உப்பு – தேவைக்கேற்ப

நல்லெண்ணெய் – தேவைக்கேற்ப

செய்முறை:

• கடாயில் எண்ணெய் விட்டு, தக்காளி, தேங்காய்த்துருவல், சோம்பு, சீரகம், மிளகு, பூண்டு, தனியா தூள், மிளகாய் தூள், கரம் மசாலா, மஞ்சள் தூள், கொத்தமல்லி, கறிவேப்பிலை சேர்த்து நன்கு வதக்க வேண்டும்.
• இந்தக் கலவை நன்கு வதங்கியதும், ஆறவைத்து இதை மிக்ஸியில் தண்ணீர் சேர்த்து நன்கு அரைத்துக் கொள்ள வேண்டும்.
• புளியில் தண்ணீர் ஊற்றி அதை நன்கு கரைத்து, அந்தக் கரைசலை தனியாக எடுத்து வைத்துக் கொள்ள வேண்டும்.
• பின்பு அடுப்பில் பாத்திரத்தை வைத்து, அளவு தண்ணீர் ஊற்றி, அரிசி, நல்லெண்ணெய், சிறிதளவு உப்பு சேர்த்து வேக விட வேண்டும்.
• அரிசி பாதி அளவு வெந்ததும், நாம் மிக்ஸியில் அரைத்து வைத்திருந்த கலவை மற்றும் புளி கரைசலை சேர்த்து நன்கு கிளறி, 5 லிருந்து 10 நிமிடம் நன்கு வேக விட வேண்டும்.
• கடைசியாக கடாயில் எண்ணெய் விட்டு கடுகு, உளுத்தம்பருப்பு, கறிவேப்பிலை, கருவடம் சேர்த்து தாளித்து அரிசி, மசாலா கலவையுடன் சேர்த்து கிளறி அதையும் ஒரு 10 நிமிடம் வேக விட வேண்டும்.
• தண்ணீர் நன்கு சுண்டியதும் ஒரு கிளறு கிளறி அடுப்பை அணைத்துவிட வேண்டும்.
• சுவையான கூட்டாஞ் சோறு தயார்.

மேலும் படிக்க: சில எளிதான பிரியாணி உணவு வகைகள்

தேங்காய் சாதம்

தேவையான பொருட்கள்

அரிசி – ஒரு கிலோ

தேங்காய்த்துருவல் – ஒரு கப்

கடுகு – ஒரு டீஸ்பூன்

உளுத்தம்பருப்பு – ஒரு டீஸ்பூன்

கடலைப்பருப்பு – ஒரு டீஸ்பூன்

முந்திரி – ஐந்து

கறிவேப்பிலை – சிறிதளவு

உப்பு – தேவைக்கேற்ப

எண்ணெய் – தேவைக்கேற்ப

செய்முறை:

• அரிசி குழைந்து விடாமல் வேக வைத்துக் கொள்ளவும்.
• வாணலியில், எண்ணெய் ஊற்றி கடுகு, உளுத்தம் பருப்பு, கறிவேப்பிலை, கடலைப்பருப்பு, முந்திரி போட்டு நன்கு பொரிய விட வேண்டும். சிறிது நேரம் கழித்து உப்பு, தேங்காய் துருவலை போட்டு வதக்க வேண்டும்.
• கடைசியாக இதில் சாதத்தை சேர்த்து நன்கு கிளறி தேவையான அளவு உப்பு, சிறிதளவு தேங்காய் எண்ணெய் சேர்த்து கிளறி இறக்கவும்.
• மிகவும் சுலபமான தேங்காய் சாதம் தயார்.

மேலும் படிக்க: சில எளிதான வடை சமையல்

பிரிஞ்சி சாதம்

தேவையான பொருட்கள்:

அரிசி – 1/2 கிலோ

தக்காளி – மூன்று

பெரிய வெங்காயம் – இரண்டு

பச்சை மிளகாய் – ஆறு

இஞ்சி – ஐந்து துண்டு

பூண்டு – பத்து பல்

சின்ன வெங்காயம் – எட்டு

பட்டை – ஒன்று

தேங்காய்த்துருவல் – ஒரு கப்

கசகசா – 1/2 டீஸ்பூன்

சோம்பு – ஒரு டீஸ்பூன்

கேரட் – நூறு கிராம்

பீன்ஸ் – நூறு கிராம்

பட்டாணி – நூறு கிராம்

பிரியாணி இலை – ஒன்று

ஏலக்காய் – இரண்டு

கிராம்பு – இரண்டு

அன்னாசிப் பூ – இரண்டு

ஜாதிக்காய் – ஒன்று

நெய் – இரண்டு டேபிள் ஸ்பூன்

எண்ணெய் – இரண்டு டேபிள் ஸ்பூன்

தயிர் – 1/2 கப்

கரம் மசாலா – ஒரு டீஸ்பூன்

சீரகத் தூள் – ஒரு டீஸ்பூன்

மிளகுத் தூள் – ஒரு டீஸ்பூன்

மிளகாய் பொடி – ஒரு டேபிள் ஸ்பூன்

தனியா பொடி – இரண்டு டேபிள் ஸ்பூன்

மஞ்சள் தூள் – ஒரு டீஸ்பூன்

உப்பு – தேவையான அளவு

புதினா இலைகள் – சிறிதளவு

கறிவேப்பிலை – சிறிதளவு

கொத்தமல்லி இலை – சிறிதளவு

ஃபுட் கலர் – ஒரு டீஸ்பூன்

செய்முறை:

• இரண்டு அல்லது மூன்று முறை நல்ல தண்ணீரில் நன்கு அரிசியைக் கழுவி தனியாக எடுத்து வைத்துக் கொள்ள வேண்டும்.
• இஞ்சி, பூண்டு, சின்ன வெங்காயம், பச்சை மிளகாய், பட்டை ஆகியவற்றை சேர்த்து சிறிதளவு தண்ணீர் சேர்த்து நன்கு மிக்ஸியில் அரைத்து, தனியாக எடுத்து வைத்துக் கொள்ள வேண்டும்.
• தேங்காய்த்துருவல், கசகசா, சோம்பு, முந்திரி,சிறிதளவு தண்ணீர் சேர்த்து நன்கு மிக்ஸியில் அரைத்து, தனியாக பால் எடுத்து வைத்துக் கொள்ள வேண்டும்.
• பெரிய வெங்காயம், காய்கறி ஆகியவற்றை நீளவாக்கில் நறுக்கிக் கொள்ள வேண்டும். பின்பு அடுப்பில், பாத்திரத்தை வைத்து நெய் மற்றும் எண்ணெய் ஊற்றி சூடுபடுத்த வேண்டும்.
• நெய் மற்றும் எண்ணெய் சூடானதும் பிரியாணி இலை, ஏலக்காய், கிராம்பு, அன்னாசிப் பூ, ஜாதிக்காய், சோம்பு, பச்சை மிளகாய் சேர்த்து லேசாக தாளிக்கவும்.
• பின்பு வெங்காயத்தை பொன்னிறமாக வதக்கவும். வெங்காயம் நன்கு வதங்கியதும் இஞ்சி, பூண்டு, சின்ன வெங்காயம், பச்சை மிளகாய், பட்டை, சேர்த்து அரைத்த விழுதை சேர்த்து பச்சை வாசனை போகும் வரை வதக்கவும்.
• பின்பு தக்காளி, கொத்தமல்லி, கறிவேப்பிலை, புதினா இலைகள், தேவைக்கேற்ப உப்பு, தயிர், சிறிதளவு தண்ணீர் சேர்த்து மூடி போட்டு 5 நிமிடம், மூடி வைக்க வேண்டும்.
• பின்பு காய்கறிகளை சேர்த்து, பாத்திரத்தை சிறிது நேரம் மூடி காய்கறிகளை வேக விட வேண்டும். காய்கறி, மசாலாவும் நன்கு கலந்து, எண்ணெய் மேற்பகுதியில் பிரிந்து வர வேண்டும்.
• பின்பு அரிசியை மசாலாவுடன் சேர்க்க வேண்டும். பின்பு நாம் அரைத்து வைத்திருந்த தேங்காய்த்துருவல், கசகசா, சோம்பு கலவையில் எடுத்த பால், தேவையான அளவு தண்ணீர் சேர்த்து நன்கு வேக விட வேண்டும்.
• தேவையான உப்பு, ஃபுட் கலர், அளவு தண்ணீர் சேர்த்து மூடி மிகவும் குறைவான தீயில் வைக்க வேண்டும். 15 நிமிடம் கழித்து பிரிஞ்சி சாதம் தயாராகிவிடும்.